lov story

الحيـــــــــاة قصـــــــــة حـــــــــب حزينـــــــــة

ألفـــــــــها خـــــــــائن وعاشـــــــــهامظـــــــــلوم...

أنتجهـــــــــا العـــــــــذاب ... وكتبـــــــــها الألـــــــــم

وبكـــــــــت عليـــــــــها الدمـــــــــوع.

قلب الام

اغرى امرء يوما صبيا جاهـلا
بنقوده حتى ينال به وطر
قال ااتني بفؤاد امك يا فتـى
ولك الجواهر و الدراهم و الدرر
فمضى فأغمد خنجرا في صدرها

و القلب اخرجه و عاد على الاثـر
لكنه من فرط سرعته هوى
فتعثر القلب المعثر اذ عثر
ناداه قلب الام و هو معفر
ولدي حبيبي هل اصابك من ضرر
فدرى فظيع خيانة لم يأتهـا
ولد سواه منذ تاريخ البشر
وارتد نحو القلب يغسله بما
فاضت به عيناه من سيل العبر
و يقول يا قلب انتقم منـي ولا
تغفر فإن جريمتي لا تغتفر
واستل خنجره ليطعن نفســه
طعنا و يبقى عبرة لمن اعتبر
ناداه قلب الام قف يـدا ولا
تطعن فؤادي مرتين على الاثر

عاشق مهزوم

نجحتُ فيُ آن أكونُ أقرب شخص
للكثيرُ . .
نجحتُ أن أكونُ صندوقُ
أسرآرهمُ . .
نجحتُ فيُ أن أكتسبُ ثقة من
... ... حوليٌ . .
نجحتُ فيُ أن أمسحُ
دموعههمُ . .
نجحتُ فيُ رسمُ ألبسمةُ علىُ
شفاههمُ . .
نجحتُ فيُ تصحيح
أخطأؤهمُ . .
و أقنآعهم كمُ هيٌ ألحيآة جميله
لكنيٌ : لم أنجحُ في فعل ذلكُ لنفسيُ

أسـف جـــــــدآ يامغرورة

أسف جدآ يامغروة انا خلفتك ذكرة

وصورة ذكرة حزينة ومابنسها وصورة

أليما بتفاداها

ماندمان علي الحب الراح

ماندمان علي ظنك فيا زتي الماضي جراح
والاحسان رديتهو ازيا وخنتي الوعد البينك وبيا
كنت القلب العايش ليهو وطول الوقت بفكرة فيهو
فجاة عرفتا كل الحاصل وعرفتا القدر الطالع منك
ولي حبك انا ماحواصل بي محتاج انا ابعد منك وانسي
وانسي هموم الحب الزائف وبعد انا عن درب الريدة وابعد عن
الحب الهايف الكنت شايف ليهو وخايف انا متالم لي حبيتك ولي ختيتك
جو عنيا وانتي كسرتي الشوق والخاطر بي تعذيبك كل شوية قلبك كايس في عظمة
ريدك كايس قربك والحنية تعدمي بي ايدك احلامك وبرضو اللوم ترميهو عليا انا فارقتا خلاص
دنياك كانت احلي حنان وردية ومابتحمل ظلمك تاني وكدة انا مرتاح مية المية

أسف جدآ يامغرورة انا خلفتك ذكرة

وصورة ذكرة حزينة ومابنساها وصورة

أليما بتفاداها
انا أتالمتا وكمان عانيت وفي حبك انا ماجنيت وانتي جنيتي بالخيانة ورفضتي حب مليان أمانة وبرضو جاية وتقولي أرجع أرجع وين ياحلوة خلاص أنتي الحب من غير اخلاص مصيرو يغير الاشخاص وبنهي اي قصة ريدة حتي ولو كانت فريدة وانتيي
ولعتي الحريقة ومافي طريقة عشان نطفيها ياللة عاوزك تسمعيني
وحاولي انك تفهميني كلامي ليك انا مابيهينك وقوة درس وتنسي
برضو الخيانة والغرور عدم الامانة وحاولي نزلي شعار غرورك
وابقي عشرة علي البريدة وماتعمليهو بك شرورك
وحسسيهو بك حنينك كلو برضو عشان
مصلحتك وعشان تعيشي في كل
سعادة وعادي برضو لو نصحتك
ومافي زول برضي التعاسة
أتمني أني أكون وفي
كلامي القلت ليـك
تاني برضو بعيدو
ابقي عشــرة
علي البريدك
وماتخيبي
ظنو فيك
⊰♥♥⊱كـلـمــات وصوره راقـت لــي وقدَ يـحتَآجھَآ غِيري⊰♥♥⊱

طرائف عوض دكام وأبو داؤود

عوض دكام كان مدير مستشفى الاسنان وشالوه من المنصب .. وجابو مدير جديد واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل - بيقصد المدير الجديد

**************

قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر
***************************** قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور
قام قعد في طربيزة ومعاه مجموعة
جات الصينية الاولي عاين فيها لقاها فقرة(رقبة)..عاين للصينية التانية برضو لقي الضلع فقرة(الجماعة كانوا ضابحين خرفان كمية)التالتة برضو كدا
قام نادي العريس وقال ليهو اسمع يا خوي انتو ضابحين زرافة ولا شنو؟؟

***************************
قالو ابو داؤود مشى بيت فرح على اساس احياء حفل ، لاكنه وجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه بينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك .

************* مرة عوض دكام جاء داخل العيادة بتاعتو لقى في كشف المرضى اسم فتحي فرج الله لاعب المريخ زمان ... وبعدين ما كان شافو قبل كدا طبعا فتحي فرج الله عيونو في نص راسو .المهم دكام عاوز يشوفو قام ناداهو أول واحد ..
لما دخل عليه ، دكام اتخلع بي شناتو ، كان متخيله نجم وجيه قال ليهو انت فتحي؟ قال ليهو أيوة أنا فتحي
دكام رد بسرعة طيب فرج الله يكون كيف ؟؟؟ ******************
ابوداؤد كان بغنى فى حفلة والصف الاول كان
كلو جكس حجم عائلى كلو واحدة اسمن من التانية
وبعد الاغنية الاولى قام الجماعة كوركو ليهو بالله يا استاز فريع البان ...قام عاين ليهم وعاين
للصف الاول...وقال ليهم فريع البان كيف مع شجر التبلدى بتاعكم دة **************** عوض دكام قال فى واحد مشى يقلع ضرسو فى مصر ،الدكتور المصري قال ليه يا زول إنتو
ما عندكم دكاترة اسنان فى السودان؟
السودانى قال ليهو فى دكاترة
بس الحكومة مانعانا نفتح خشمنا

***********************
عوض دكام قال جاتو واحدة
جميلة جميلة جميلة .. جمال ما عادي
قدر ما فتشها لا سوسة ولا صفار
ولا الم ولا التهاب لثة
قال ليها انتى ما عندك حاجة
مشكلتك شنو؟؟؟
قالت ليه عارفة بس جيتك تعمل لى فلجة
***********************
مره عوض دكام كان واقف في محطه البنزين
ومعاهو زوجتو في العربيه.. الكل كان يعاين ومزهول بالجمال واللون الابيض بتاع زوجتو ..
قام عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا؟
************** عوض دكام قبضوه ناس الدورية وما بعرفوه يا زول شايل شنو فى الضهرية؟؟؟
قال ليهم جنا حرام
يا زول نحن ما بنهظر فتحو الضهرية لقو بيض قالوا ليه انت بتلعب علينا؟؟؟
شايل جنا جداد تقول جنا حرام؟
قال ليهم وده ما جنا حرام،
شفتو ليكم ديك عقد ليو على جدادة؟؟
*****************
قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون
انتو يا اخوانا عرسكم ده خبر ولا شنو؟ *********************
ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب

قالو ليهو تعال يا عبد العزيز شوف المراره دى
قال لا ما عايز، انا مستنى الكمينة ديك تطلع.

*******************
عوض دكام بقدم فى قعدة فيها على ابراهيم و زيدان ابراهيم اول ما بدأ على ابراهيم غنى تمساح اب كبلو الضارب الليه ،،، عوض دكام نطى لى طوالى قال ليهو التمساح الابلعك حسى دا وكت تماسيح زيدان عليك الله وسط الزهور متصور
************
قال ليك عوض دكام كان فى فراش بكا ، وكان يوم رفع الفراش وعوض دكام مشى عشان يدفع فى الكشف
واحد من اصحابو قال ليهو انت يا عوض مفروض تدفع بالدولار عوض دكام قال ليهو .. ليه فارشين فى السوق الحر؟ *****************
في عيادته في بحري وهو يعالج احد المرضى
.. وعنده تلفزيون في داخل العيادة وبدأت مباراة هلال مريخ
..ومعروف عنه انه لازم يحضرها في الاستاد
... خرج الى الصالة ووجد مجموعة كبيرة من المراجعين والمرضى
...واتلفت الى التلفزيون ورأى ان المباراة ستبدأ ...فالتفت الى المرضى قائلا
انتو عاوزين الجد ولا ابن عمو؟ انا من ما فتحت العيادة دي ما شفت واحد كتلو ضرس
امشو وتعالو بكره وما في زول بيكتلو ضرس ***********
دكام كان مرة سايق العربية بتاعتو وقف في اشارة المرور اتلفت يمينو لقى
حامد بريمة حارس المريخ السابق
سايق لفت باك حمراء جديدة
ضرب ليهو العربية بيده وقال ليهو:

ياعب لو ما كورتك دي والطب بتاعي ده
كان مكاوينا تتطاقش **************** بمناسبة حامد بريمه
قالوا الزعيم فيلب عباس غبوش كان عندوا ندوه فى العشش
قام قال للجماعه ... اولاد ارب ديل هقارين شديد
كل شئ يشيلوه هم ويدونا شئ تعبان حتى فى كوره دى مصطفى النقر يودو لى قدام وحامد بريمه يخلوه اخر واهد فى الفريق

شوف ليك هقاره
***************
ومن الطرائف التى يحكيها عبد العزيز محمد داؤود عن زوجته الفاضلة فوزية محمد حسين انها ابان الفترة الاولى من زواجهما.. ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟ يقول:الاذاعة … هى: وحتجى متين انشاء الله ؟؟؟
هو: بعد ساعتين.. و فى وقت اخر:عبد العزيز ماشى وين؟.. هو: عندنا حفلة عرس فى امدرمان...
هى:وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!؟؟؟ *****************
في واحد مجنن أبو داؤود
كل ما يشوفو في حفلة أو قعدة يقول ليهو: يا أبو داؤود عليك الله زهرة الروض .. الأغنية دي بترجعني عشرين سنة لي ورا.

أبو داؤود زهج من الزول ده يوم قال ليهو ياخي زهجتني ، أسمع إنت عمرك كم سنة ؟؟أخونا قال أربعين سنة
قاليهو  خلاص انا بغنيها ليك مرتين عشان ترجع في بطن امك ونرتاح منك
مصعب النور